Quali sò corpi celesti i più grandi di u sistema solare ?
Scrittu da A redazzione
U 23/11/2021

U nostru sistema planetariu hè fattu da parechji “uggetti” celesti : asteroidi, stelliti, u Sole, a stella intornu à quale giremu ancu noi, terrestri. Ma i corpi celesti i più grandi di u sitema sulare, quali sò ? 

10 – TITANU

Hè a luna a più grande di Saturnu. Ci sò mari, lavi di metani nantu à a so terra. Face 5.152 chilometri di diametru. 

9 – GANIMEDE

Ganimede dinù hè u satellu u più grande di a so pianeta, Ghjove. Cù 5.268 chilometri di diametru, hè più grande cà Mercuriu. 

8 – MARZU 

A Pianeta rossa – Chjamata cusì per via di u culore di u ferru, face un diametru di 6.780 chilometri. 

7 – VENERA

Hè a pianeta a più vicina à u Sole. Hè dinù l’uggettu naturale u più luminosu di u nostru celu dopu à a Luna. A so atmusfera hè pagna, tandu, ùn pudemu vede a so superficia. Misura  12.104 chilometri di diametru. 

6 – TERRA

Eccu la ! Campemu nantu à una balla culurita, a nostra terra tant’amata ! A nostra terra ùn hè micca cusì piccula : 12.742 chm di diametru ! 

5 – NETTUNIU 

A so urbita hè loscia loscia : 165 anni terrestri ! È hè assai grande dinù, cù 49.244 chm di diametru.

4 – URANU

A pianeta turchina, ricca di metanu, misura 50.724 chilometri di diametru. 

3 – SATURNU

U signore di l’anelli, Sartunu, misura 116.464 chilometri !

2 – GHJOVE

À a seconda piazza c’hè Ghjove, a pianeta a più grande di u sistema sulare : 142.984 chilometri di diametru. Hè tamanta, ma a so densità face un quartu di quella terrestra. 

1 – U SOLE

Quale pudia esse à a prima piazza ? Ellu ! U sole, a nostra stella chì ci scalda dapoi milioni d’anni producendu atumi d’idrogenu chì cappianu energia. U so diametru hè tamantu : 1.391.016 chilometri.

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!