Quantu un influenzatore guadagna per pubblicà cuntenutu à nantu Instagram, TikTok o YouTube ?
Scrittu da A redazzione
U 20/09/2021
Dapoi qualchì annu, sti mistieri novi sò diventati famosi è facenu sunnià i giovani. C’hè statu un studiu à nantu à i capitali ricevuti da sti influenzatori. È particularmente quelli chì sò à nantu à TikTok. 
Primu cunstattu : i costi di e publicazioni dipendenu di u numeru d’abbunati. I conti chì anu menu di 5.000 abbunati, ricevenu à pocu pressu 153 euro per un filmettu, una rimunerazione chì evulua à 204 euro per quelli chi anu trà 5.000 è 10.000 abbunati. È sti tariffi ponu cresce in furia. Cusì, un Tiktokeur cù più di 25.000 abbunati pò tuccà 900 euro per ogni publicazione. Simu assai luntanu di i 2.250 euro tocchi da quelli chì anu più d’un milione d’abbunati. È cù più di 5 milioni d’abbunati, e star di a rete suciale ricevenu ancu 3.700 euro ogni filmettu. 
Sò, ben intesu, mediane, fatte secondu à e risposte date da 1.249 influenzatori americani. Sti tariffi ponu svarià secondu à a so cumunità è a so presenza à nantu à e rete suciale cum’è Twitter, Instagram, Facebook… Ci vole dinù à sapè chì parechji influenzatori si facenu pagà direttamente da e marche, in cummissioni. Hè ciò chì si face, soprattuttu quandu spartenu promuzione à i so abbunati. 

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!