Scontru cù François Ravier prefettu di Corsica suprana
U 30/09/2020
Scrittu da A redazzione

Issa simana, a squadra di u ghjurnalettu hà scuntratu à François Ravier, prefettu di Corsica suprana chi ci presenta u mistieru di prefettu. 

Allora u prefettu ripresenta u Statu ind’è u dipartimentu è ind’è a regione quand’ellu si parla d’un prefettu di regione. Sò numerose e so missioni, ci ne sò dui tippi : 

  • Prima, assicurà l’inseme di e securità : per tene l’ordine in carrughju, a securità civile, a lotta contr’à l’epidemie, a pudemu vede in issu mumentu cù u Covid_19, l’inseme d’issi sughjetti.
  • Po, u prefettu mette in ballu e pulitiche di u guvernu in u so dipartimentu induve travaglia. Si tratta di pulitiche pubbliche per l’ecunumia, per u suciale, per a cultura è dinù per l’alloghji. Si parla dinù di a lotta di pettu à a puvertà è a precarità, a prutezzione di l’ambiente o di u patrimoniu di modu generale. 

Eccu qualchì esempiu di e missioni di u prefettu, è pudete vede subitu subitu ch’elle sò numerose. 

Si diventa prefettu dop’à un percorsu persunale, bella sicura. Eppò simu prima sottu prefettu, emu à travaglià prima à posti di direttore di cabinettu di u prefettu, di secretariu generale di a prefettura, di sottu prefettu di u circondu eppo dop’à parechji anni, quandu tuttu si passa bè, simu prumossi da u Presidente di a Republica mentre u cunsigliu di i ministri.

C’hè una parte impurtante di i prefetti chì hà studiatu à l’ENA, a Scola Naziunale d’Amministrazione, ancu s’è avà di più in più, a curpurazione di i prefetti  hè cumposta da persone chì anu fatte altre cose, o venenu d’altrò. Un anu micca fattu l’ENA o ancu travagliatu prima cum’è direttore di cabinettu, secretariu generale o sottu prefettu di u circondu. 

Ci vole dinù à dì chì si parla sempre di u mistieru di prefettu à u maschile ma ci sò dinù donne prefette, dunque e prefette postu chì ogni annu ci sò di più in più donne prefette. 

È a Corsica a sà bè postu chì l’ultimu prefettu prima di mè, era una donna, a signora Josiane Chevalier. Si vede chì c’hè una feminisazione di a nostra curpurazione è ancu megliu, di a sucetà di manera generale. 

A durata media, o bramata da u ministeru di l’internu per u postu d’un prefettu hè di trè anni à pocu pressu. Hè a natura stessa di u mistieru di prefettu, simu à a disposizione di u guvernu. È s’è u guvernu, pocu impreme a ragione, vole fà ci turnà è mandà ci in un altru locu, a ferà secondu à i bisogni di i territori. Ma l’idea hè di pudè stà trè anni à u listessu locu, vole dì un tempu abbastanza longu per pudè fà soii i cartulari di u territoriu, è lascià una stampa forte, in particulare in l’animazione di e pulitiche pubbliche, ma dinù ùn stà troppu tempu in un territoriu per pudè tene tutta a so libertà di scelte. Ci vole à truvà l’equilibriu ghjustu è eccu e missioni principali di u prefettu.

François Ravier

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!