Un scheletru d’un fussilu di 300 milioni d’anni à pocu pressu, hè statu scupertu da una squadra di scientifichi inde u parcu naziunale 

di Cayonlands in Uta, à i Stati Uniti, ci face sapè CNN. Una scuperta chì i scientifichi ùn ponu identificà. Ùn sanu di quale sò st’ossami. 

A spezia è à classifica di l’animale ùn sò ancu stati trovi. 

I scientifichi ponu solu palisà ch’ellu si tratta d’un animale à quattru zampe. Puderia esse unu di i primi antenati di i mammiferi o di i rettili. L’età di u fussile hè trà 295 milioni è 305 milioni d’annate. 

Da sapè : u scheletru hè sanu. 

Sta scuperta hè stata fatta da un impiegatu da i parcu naziunale d’ottobre 2020. 

Una volta messi à capu, i scientifichi anu aspettatu un annu prima d’esse di pudè piglià lu. 

C’hè vulsutu una ghjurnata sana per realizà l’uperazione. Secondu à Adam Marsh, a regione di Canyonlands averia parechji fussili cusì. 

L’animale puderia appartene à una spezia nova d’ « amniote », animali chì campavanu à st’epica. 

L’ossami puderianu esse messi inde un museu.