Thomas Goncalves ci parla di u so mistieru di eletricistu
Scrittu da A redazzione
U 09/12/2020

Oghje si parla di u mistieru d’eletricistu !  Chì face l’eletricistu ind’è a so ghjurnata ? Quale sò e qualità bisugnevule per fà stu mistieru ? Emu dumandatu à Thomas Goncalves chì ci hà apertu u so attellu in Alistru.

– Pudete prisentà vi ?

–  Salute, mi chjamu Thomas Goncalves, aghju 25 anni è sò eletricistu in Alistru dipoi 9 anni. 

 

– Cosa si face ind’è u mistieru d’eletricistu ?

U mo mistieru si primureghja di creà e rete elettriche per e case, i bastimenti ou per e custruzzioni publiche. Facciu l’installazione di sistemi elettrichi, di i lumi. Stu mistieru permette dinù di fà vene l’elttricità ind’è a casa sana. Ghjè per via di u travagliu di l’eletricistu chì funziuneghja a to Playstation o a to televisiò.


– Perchè site diventatu eletricistu ?

Quandu eru à a scola, in terza, aghju fattu trè stagi ind’è un eletricistu è m’hè piaciutu assai. Mi piace à creà e stallazioni elettriche, ghjè interesante perchè ci vole à pensà ci assai.  Hè cum’è un ghjocu. I fili turchini si mettenu inseme.

– Chì studi fà per esse eletricistu ?

Quandu avia 15 anni, aghju primu fattu u mo CAP eletricistu, à u CFA di Furiani, per dui anni. Dopu, mi sò chjappu un BEP di dui anni, sempre à u CFA di Furiani. Oghje, sò 9 anni chÏ travagliu. 


– Quale sò i vantaghji  è i svantaghji di stu mistieru ?

Cù a mo furmazione, aghju amparatu à fà tuttu in eletricità, aghju ancu fattu e rete di a mo casa. Si tene assai soldi quandu si face què da per se. Ma ghjè un mistieru induv’ellu c’hè assai fatica, hè assai fisicu. Eccu ciò chì face chì u mo mistieru hè à spessu cumplicatu. 


 ChÏ vulete dÏ à i ghjovani chÏ si ponenu a questione di chÏ mistieru sceglie ?

Cunsigliu à i giovani di vene à fà parechji stagi. Aghju campatu ste stonde quì, elli dinù devenu vene à vede s’è u mistieru li piace. Ghjè un mistieru passiunante, ma ci sò di menu in menu giovani in amparera. Peccatu !

Seguitemi nantu Ă  e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi Ă  Ă  nostra lettera d'informazione

Ricevite i nostri articuli tutti i ghjorni

 

Perfettu!