Una giuvanotta di l’Oklahona (Stati Uniti), hè morta, u 21 d’aostu passatu, dop’à avè lampatu una sfida periculosa nant’à e rete suciali. 

A sapemu tutti, e sfide nant’à e rete suciali ponu esse assai assai periculose cum’è a sfida « Benadryl » chì face piglià à i participanti numerose medicine per l’allergie per pudè sente allucinazioni. Piglià troppu medicine d’issu tippu pò fà cresce u ritmu di u core è avè cunsequenze periculose nant’à a salute. 

Eccu ciò chì s’hè passatu per a giovana americana di 15 anni, Chloe Phillips. Per avà, a pulizza ùn sà ancu quantu medicine avia pigliatu a vittima, ci dice u Ghjurnale The Sun.

Dop’à issu drama, Johnson & Johnson, chì fabbrica issa medicina, hà fattu mottu à i parenti di u periculu d’issa sfida. Eccu perchè li hà dumandatu di fà casu à e sfide di i zitelli.

Fate casu ancu voi…….