A magia di Natale si face dinù cù a lettura. Quale sò i più belli libbri per i zitelli nantu à Natale. Eccu u nostru top 5 di i migliori libbri è rumanzi di ghjuventù per Natale ! Libbri classichi o nuvità, animali sgaiuffi, zitelli impazienti, libbri maiò o chjuchi : Eccu e nostre proposte di libbri per fà un rigalu tremendu à i vostri figlioli.
Le Père Noël et les fourmis (L’école des loisirs, 1991)
Tempi fà, Babbu Natale purtava i rigali passendu per i camini. Oghje, cù tutte st’antenne di televisiò nantu à i tetti, ùn hè più pussibule ! Babbu Natale è a so renna Scrogneugneu devenu truvà una suluzione…
Cette nuit-là (Flammarion, 2003)
L’animali di a furesta si sò stallati ind’è a casa tralasciata in cima di a cullina. È ùn volenu à nimu d’altru ! Ma quandu Léon, u vagabondu ci entra, l’animali u fideghjanu è u curanu. Perchè chì sta notte, hè a notte di Natale !
Un chant de Noël de Dickens (Quatre Fleuves, 2009)
Mentre stu 24 di dicembre nebbiosu è annivatu, u vechju Ebenezer Scrooge, rancicu à più pudè, torna ind’è ellu per passà un Natale solu. Cum’è tutti l’anni ùn hà dettu di sì à l’invitazioni di a so famiglia. Natale ? « ùn ghjova à nunda » dice Ebenezer Scrooge, à quale a vole sente. Ma sta notte, Scrooge hà da riceve a visita di 4 fantasimi è ognonu l’hà da dà una lezzione di vita…
La lettre du Père Noël (L’école des loisirs, 1999)
Un mantellu di neve pagna cupra a furesta. Hè a vigilia di Natale ! U fattore topu, a so cartina piena di lettre, lascia a posta d’un passu lestru… Cummincia u so giru…
La robe de Noël (L’école des loisirs, 2006)
A fine di l’annu s’avvicina. À l’orice di a furesta, l’abeti ùn ponu più stà. Sanu chì, da quì à u pocu, partiranu ind’è a ghjente è sunnieghjanu di u so vestitu di Natale ch’elli purteranu sta sera di Natale. C’hè un picculu picculu abetu chì li stà à sente. Si n’anderà anc’ellu ? S’avvierà u so sognu ?
