Ghjè un filmettu spartutu da u ghjovanu cantadore corsu La petite culotte chì face piacè. Un filmettu chì hà fattu u buzz annant’à e rete suciale mostra u cantadore famosu Grand Corps Malade facendu si un Slam annant’à a canzona Ricordu di u gruppu Surghjenti, cantendu incù u ghjovanu artistu corsu La petite culotte.
Un’interpretazione putente è magica chì hè u fruttu d’un incontru per casu trà i dui artisti chì eranu presenti per un avvenimentu caritativu urganizatu in Pariggi. L’avvenimentu era prugrammatu da l’associu « Sourire à la vie » chì hà Grand Corps Malade cum’è patrinu. « Dopu à qualchì canzona, s’hè avvicinatu, a ghjente ingiru l’anu incuragitu à cantà incù mè è hà accettatu » spiega u ghjovanu cantadore corsu.
Peccatu ch’ellu ùn s’hè micca fattu un Slam in lingua corsa. Grand Corps Malade hà quantunque datu una bella lezzione di puesia à tuttu mondu, aghjunghjendu a so piuma à sta magnifica canzona corsa.
Eccu u filmettu :
