Hè torna una leghjenda chì si n’hè andata. U ghjucadore di pallò, Paolo Rossi, eroe di a Cuppa di u Mondu di u 1982, vinta in Italia, hè mortu à 64 anni, hà fattu sapè a so sposa, stu ghjovi u 10 di dicembre. A nuvella di a so morte hè stata spartuta in a notte di mercuri à ghjovi ind’è tutti i ghjurnali italiani, chì anu resu un umaggiu à st’attacante italianu di leghjenda, chjamatu da l’italiani « Pablito ». Paolo Rossi, ch’ùn duvia, à l’iniziu, ghjucà per a Cuppa di u Mondu in u 1982, hè diventatu, fatta fine, l’eroe di a partita cù 6 punti messi è un trionfu tamantu.  

Cun ellu, è per via di a so performanza, l’Italia vince à so 3erza Cuppa di u Mondu è Rossi diventa u migliore ghjucadore. È u Pallò d’oru vene compie st’annata eccezziunale. 

Ciao Pablito