U kefir o chefir hè una bivenda chì pò esse fatta da tutti, ancu in casa soia. Pò esse fatta cù u latte o cù acqua è zenzeru o frutti. U kefir veneria da une bivenda turca, l’ “aryan”. Hè una bivenda fatta cù latte fermentatu cù pezzi d’agnellu o di pecure messi nentru. Ùn avè penseri ! 

A versione d’oghje di sta bivenda, venduta inde i cummerci, ùn hà nunda nentru. Inde a bibbia c’hè a menzione di u latte fermentatu. Si ne parla cum’è un rigalu divinu. In u Mediu Oriente, si conta chì era Maumettu chì hà datu e grane di kefir à parechji pastori chì campavanu nantu e muntagne di u Caucasu. A produzione di kefir hè stata tenuta cum’un segretu mentre seculi è hè stata tramandata di leve in purleve da ste famiglie di pastori. Si dicia chì a forza di sta bivenda era persa s’ell’era spartuta cù altre populazione. A storia hè stata cusì per seculi è seculi. Ci vole à aspettà à Marco Polo è a scrittura di e so crunache di viaghju in Asia (Il Milione) per leghje un scontru cù abitanti di u Caucasu chì beianu una bivenda à e pruprietà magiche. Senza dubbitu, in parechji scorni di u mondu ci fubbenu listessi prudutti