Dapoi qualchì tempu, un puttachju gira nantu à a reta suciale. Una meteorita tamanta hà da entre in cuntattu cù a terra fendu danni terribuli per l’omu. Stu puttachju hè diventatu appena di più seriu quandu u 22 d’aostu passatu, a NASA hà cunfirmatu chì a metorita VP1 2018 s’avvicinava di a Terra è serà assai assai vicina à u principiu di u mese di nuvembre.
Nantu à Internet, ponu esse letti messaghji di panicu, certe persone parlanu di esse pronta per sta sonda, è parlanu di cumprà un bunker. U puttachju hè diventatu ancu più seriu quandu s’hè parlatu di u 2 di nuvembre, un ghjornu prima di u votu di l’elezzione di u Presidente d’America.
Ma stu puttachju hè falzu, a meteorita VP1 2018 ùn si s’ammaccherà nantu à a Terra u 2 di nuvembre prussimu.
Allora perchè c’hè sempre stu puttachju ?
Dapoi ch’una meteorita, hà tombu i dinosauri 66 milioni d’anni fà, a paura si sparghje ogni volta ch’ellu si parla d’una meteorita chì s’avvicina.
Eppò c’hè un’altru evenimentu chì cuntribuisce anc’ellu à sparghje stu sintimu di paura. U 15 di ferraghju di u 2013, in a regione di Tcheliabinsk in Russia, una meteorita di 15 à 17 metri di diametru hè entrata ind’è l’atmosfera. Ùn hè stata trova da alucunu radar è hà finitu per esplode à 20 o 40 chilometri di a terra russa.
