A simana scorsa, un aurora bureale magnifica hà spampillatu ind’è u celu in Russia. Sti ritratti filmati di modu rapidu mustranu u fenomenu naturale sopru à a cità di Mourmansk.
Ma cosa hè un aurora bureale ?
Hè un fenomenu luminosu cù striscie di culori ind’è u celu, u culore verde essendu u più impurtante. Stu fenomenu apparisce di notte. Risultatu da l’interazione trà e particule piene di ventu sulare è l’atmusfera alta, l’aurore bureali si vedenu vicinu à i Poli : u Gruenland, u Canada, l’Alaska, a Lapunia. L’aurore bureali sò sempre state viste ; mentre l’antichità in China o in uccidente, l’aurore eranu viste cum’è serpi o draconi ind’è u celu.
Parechje fole
Tutte e lingue parlanu di sti « lumi di u Nordu » fora di i finlandesi chì anu a parolla « revontulet » vole dì « coda di volpe rossa » o « focu di volpe » : certi populi dicenu chì quandu a volpe corre ind’è a nebbia, sparghje a polvera ind’è u celu, cù a so coda, ciò chì crea l’aurore bureali mentre u so caminu. L’inuiti à u Gruenland chjamanu l’aurore « aqsarniit », perchè chì credenu chì i spiriti di i morti ghjucanu à pallò cù i crani di e vacche marine.
