Dapoi una simana Manon Figarella è u so cane Paglia vanu à a scola Charpak in Bastia per parlà à l’alevi di a mediazione animale. 

Quand’ella ghjunghje à a scola, tuttu mondu fideghja a cagna diventata a star di u stabilimentu sculare. E manuccie di a scola materna di Christian Pieraccini, direttore di a scola di Toga, aspettanu u so accunsentu per accarezzà l’animale. 

Hè a seconda volta chì Manon Figarella, chì travaglia à a clinica animale di Toga in Bastia, si spiazza à a scola per intervene inde i sculari. Cum’è a prima volta, a venuta di a cagna fà cresce l’attenzione di i zitelli. Hè u scopu ricercatu da u direttore di a scola materna di Toga chì hà messu in ballu stu prugramu novu in Corsica di mediazione animale per l’elevi. Quandu seranu finite e 10 stonde previste, Manon Figarella puderà intervene inde altre scole.