Un rinuceronte lanosu vechju di più di 20 000 anni scupertu in Siberia
Scrittu da A redazzione
U 05/01/2021

Un abitante di u rughjone di a Yakoutia, ind’è u stremu nordu di a Russia, hà fattu una scuperta eccezziunale : hà trovu accant’à un fiumicellu u traccoghju d’un rinuceronte lanosu di l’era ghjacciaria cunservatu d’una manera perfetta.

L’animale, avanzatu di 3 o 4 anni à l’epica, si seria annigatu ind’u fiume Tirekhtyakh, in Siberia, più di 20 000 anni fà. U fretu di u Permafrost l’averia prutettu sin’à oghje, facendu di u so corpu u traccoghju di rinuceronte lanosu cunservatu u megliu mai scupertu secondu à u Smithsonian magazine.

A scuperta seria stata fatta d’aostu scorsu, mentre a strughjera di u permafrost. Incù u riscaldamentu climaticu, a terra cutrata di Siberia strughje è lascia affaccà traccoghji d’animali preistorichi priservati dipoi millai d’anni. In u 2020, u scheletru d’un mammutu lanosu hè statu scupertu ind’un lavu di u nordu di a Siberia. D’altre scuperte assai surprendete sò state fatte. Trà d’elle, u fussile d’un poltru vechju di più di 40 000 anni in Siberia è ancu u corpu d’un lupu ciucciu di 57 000 anni ind’u Yukon, un rughjone di u Canada.

 

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!