Stati Uniti : un attu natu nantu à TikTok salva una giuvanotta di u so sequestru !
Scrittu da A redazzione
U 16/11/2021

E rete suciale ponu salvà e vite.

Una giuvanotta imprigiunata in Carulina di u Nordu hè stata salvata u 5 nuvembre da a pulizza di u Kentucky dopu à avè dumandatu aiutu nantu à TikTok cù un attu di a manu. Secondu à u scagnu di u shérif, a giuvanotta era nentru à una vittura Toyota grisgia quandu un autumubilostu l’hà vista fà signi di a manu. A giuvanotta di 16 anni, era sparita dapoi marti 2 di nuvembre. Dui ghjorni dopu, nantu à una strada di u Kentucky, un cunduttore feghja una giuvanotta daretu una vittura, chì pare andà di male. « U cunduttore […] daretu à a vittura hà rimarcatu una zitella fendu atti di a manu cunnusciuti nantu à TikTok. St’atti sò aduprati per parlà di a viulenza casana » dice CNN. Un muvimentu chì alza i quattru diti è piatta u ditone, prima di chjode u pugnu.

«A persona chì hà chjamatu u 911 hè firmata daretu à a vittura mentre 7 miles (11 chilometri) per sparghje l’infurmazione à a pulizza. 

A pulizza hà piantatu a vittura è hà salvatu a giuvanotta ». U so rapidore, un omu di 61 anni hè statu ghjudicatu è imprigiunatu per  rapimentu, sequestru, è pussesu di fiure à caratteru sessuale.

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!