Ùn simu andati à a scola ghjovi l’11 di nuvembre, ma perchè ?
Scrittu da A redazzione
U 15/11/2021

Un armistiziu hè un accordu, un pattu fattu trà paesi nemichi per piantà a guerra aspettendu di ziffrà una lettera di pace. 

L’armistiziu di l’11 di nuvembre pianta l’ostilità in Francia è in Belgica. Hè ziffratu da l’Alemagna, u paese vintu, à Francia, l’Inghilterra, è i Stati Uniti,

paesi chì anu vintu a guerra. U luni 11 di nuvembre 1918, à 11 ore, si sparghje sta nutizia. 

Dapertuttu, sò stonde di gioia è di sullevu. Ma dinù di tristezza è di dolu, perchè, in tutte e famiglie, ci sò stati morti è ferriti. 

Ma perchè chì l’armistiziu porta a speranza di a pace ? Chjamata « grande guerra », a guerra di 14-18 hè un evenimentu maiò inde a storia di l’umanità. 

U risultatu hè drammaticu : 15 à 20 milioni di morti. Mai una guerra avia fattu tante vittime in pocu tempu cusì. 

Da rende umaggiu à i suldati, milaie di munimenti à i morti sò custruiti in e cità è paesi. Dopu à l’infernu campatu, sta guerra ùn pò esse che l’ultima. Ognunu vole una pace durevule ! U 28 ghjugnu di u 1919, dopu à 8 mesi di neguziazione, u trattatu di Versaglia mette fine à a Prima Guerra Mundiale. Stu pattu di pace cambia u visu di l’Auropa. L’alemagna hè cunsiderata respunsevule di stu scempiu è deve pagà i guasti fatti da a guerra. A Sucietà di e Nazioni hè creata. U so scopu hè di curà a pace inde i mondu. Diventerà, in u 1946, L’ONU.

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!