Inde un zu russiu, un tigru hè statu filmatu fendu soni inabituali è hè statu qualificatu di tigru cantadore. U Zu di Barnaoul hà spartutu pocu tempu fà annantu à i reti suciali, i talenti di l’animali. Un filmettu chì mostra un tigru chì canta. U tigru canta note altissime. U tigru cantadore Cherkhane è l’impiegati di u zu anu datu una spiegazione à stu cantu. Di fatti, u tigru si cumporta cusì dapoi chjucu per chjamà a so mamma. « Vulia attirà u sguarda di a so mamma quand’ella era impegnata cù altre criature. Andava in un scornu è mughjava sin’à u ritornu di a so mamma, per avè a so attenzione sana. Ghjè solu un capricciu » hà spiegatu u persunale di u zu.