Una chjama à i doni Leetchi per cumprà una caravana à Didier, l’omu senza casa di l’Arinella
Scrittu da A redazzione
U 11/01/2021

A magia di Natale hà fattu un omu felice grazie à a sulidarità di i Corsi. A storia di Didier, 61 anni è senza casa, hè una bella storia. L’omu durmia fora dapoi parechji anni è stava nantu à una banca à l’Arinella. Hè statu aiutatu da ghjente bastiaccia anonima. 

Un aiutu chì hà permessu di dà li un tettu per l’inguernu, di nutrisce lu, di veste lu, è di dà lu un aiutu amministrativu. 

À 61 anni, è dopu à avè travagliatu più di 30 anni, Didier ùn hà più paga è soldi. In causa : dimarchje amministrative ch’ellu ùn pudia fà. Per aiutà lu, Nathalie è Eric l’anu aiutatu à fà i cartulari necessari per benefizià di l’aiuti ch ‘ellu pò dumandà. 

Una chjama à i doni Leetchi per una caravana

Prevista à l’iniziu per pagà qualchì notte d’albergu à Didier, sta chjama à i doni messa in ballu da Natahlie tene oghje u scopu di cumprà una caravana. Una soluzione à longu andà per Didier ch’ùn vole più dorme ind’è l’agrotti suciale, induve u cumpurtamentu di certe persone hè viulentu. Cù più di 124 persone chì anu datu qualcosa, a chjama à i doni cunnosce un successu tamantu, segnu di sulidarità di i Corsi. S’è a compra di a caravana ùn si pò fà, tutti i cuntributori seranu cuntattati per decidà cosa fà di i soldi. 

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!