crédit photo Lepetitjournal
Una statula di Greta Thunberg face nasce a pulemica inde un’università inglese !
Scrittu da A redazzione
U 06/04/2021

Una statula di a militante eculugista svedese Greta Thunberg hè stata inaugurata stu 30 di marzu di u 2021 à l’Università di Winchester, inde u sudu di l’Inghilterra. St’opera maiò (a giuvanotta misura 1,50 metri) hà custatu 28 000 euro è hè stata chjamata « Make a difference ». Ma parechji studienti averianu preferitu fà un’altru usu di sti soldi : aiutà i studienti frasturnati da a sta crisa sanitaria. « Simu in un’annata Covid, parechji studienti ùn ponu andà nant’à u campus, provenu à seguità e lezziò in linea è anu veramente bisognu di sustegnu » hà dichjaratu à a BBC Megan Ball, Présidente di u sindicatu di i studienti. U sindicatu di l’università College Union (UCU) hà parlatu di a vanità di u prugettu, critichendu i soldi messi per sta statula. Averianu pussutu esse dati per francà parechji licinziamenti. Nantu à u situ di l’Università di Winchester, a direzzione si ghjustificheghja in un longu cumunicatu, dicendu chì l’università hà spentu 5,2 milioni di lire per aiutà i studienti, dicendu dinù chì a statula era stata cumandata in u 2019, prima a crisa. 

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!