Nant’à e rete suciali, i trolls o e persone ch’ùn vole tene a mascara, sparghjenu nutizie false. L’ultimu puttachju spartutu, ci dice, u ghjurnale sguizzeru 20 Minutes, hè di fà sapè chì zitelli, sarianu morti per via di a  mascara. 

C’era un puttachju chì dicia ch’una zitella di 6 anni era morta affucata da a so mascara o di manera più precisa, avvelenata à u CO2. Sta storia, hè falsa, inventata. A pulizza dumanda à a ghjente di fà casu à ste nutizie false. I duttori reagiscenu dinù. 

Bella sicura, chì purtà è tene a mascara pò avè certi effetti brutti, cum’è prublemi di pelle, o pena in capu. Ma, i duttori, ci facenu sapè, chì purtà a mascara ùn pò tumbà a ghjente (a mascara lascia passà u CO2).